Chanson de vigne
Informations diverses
|
Paroles
Holas, l'ami ! En ai ben vu lo temps
Holas, l'ami ! En ai ben vu lo temps
Yo vos n'ariaz pas passo,
Sens lo bon dzor me baillo,
Ho ! Ho ! Ho !
Ma por orendreit
Vos lo passas ben tot dreit.
Ho ! L'amia ! Lo bon dzor né pu pas
Ho ! L'amia ! Lo bon dzor né pu pas
Voutro pair' et voutra maire
Contre me sont fatcho ;
Ho ! Ho ! Ho !
A oun' autra balla
Mes amours i'ai baillo.
Holas, l'ami ! rendez me lo motchau,
Holas, l'ami ! rendez me lo motchau,
Lo motchau de teyla blantze
Qu'a des pointé alentor,
Ho ! Ho ! Ho !
Que vos ai baillo
Quan i'etou ama de vos.
Ho ! L'amia ! Lo rendre ne pus pas
Ho ! L'amia ! Lo rendre ne pus pas,
L'elez-n-haut dens noutra tçambra,
Dens oun couffr' enfermo.
Ho ! Ho ! Ho !
Ma por vos lo rendre
Y en ai perdu la clio.
Références
Collecté dans les environs de Nyon (Canton de Vaud) et rapporté par Benjamin Corbaz dans Recueil de morceaux choisis en vers et en prose en patois en 1842, page 79 (Lire en ligne).
